Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Javier Bardem (nombre artistico de Javier Ángel Encinas Bardem) naixito de Las Palmas de Gran Canaria l'1 de marzo de 1969, ye un actor canario, activo en o cine espanyol dende primerías d'os anyos 1990 y con cuantos premios recibitos mientres a suya carrera cinematografica. Fa parte d'una familia prou vinclata a o mundo d'o cine: nieto d'os actors Rafael Bardem y Matilde Muñoz Sampedro, fillo de Pilar Bardem, chirmán de Carlos Bardem, sobrín de Juan Antonio Bardem y primo de Miguel Bardem.
D'entre a suya filmografía, cal destacar bellas d'as suyas intepretacions en cintas como Jamón, jamón (1992, Bigas Luna), Huevos de oro (1993, Bigas Luna), Dias contados (1994, Imanol Uribe), Boca a boca (1995, Manuel Gómez Pereira), Carne Trémula (1997, Pedro Almodóvar), Before Night Falls (2000, Julian Schnabel), Los lunes al sol (2002, Fernando León de Aranoa), Mar adentro (2004, Alejandro Amenábar), No Country for Old Men (2007, Joel Coen y Ethan Coen), Vicky Cristina Barcelona (2008, Woody Allen), u Biutiful (2010, Alejandro González Iñárritu).